Iraila 2008
A	A	A	O	O	L	I
1	2	3	4	5	6	7
8	9	10	11	12	13	14
15	16	17	18	19	20	21
22	23	24	25	26	27	28
29	30	EC

HITZALDIA:”GURE HERRIARI BURUZ …”>> LAMIAKOKO KULTUR GELAN

Posted by admin | BERRIAK | Asteartea 30 Iraila 2008 12:49 am

Iraila 30, 2008
7:30 pm

HITZALDIA. GAUR IRAILAK 30, ASTEARTEA, 19:30ETAN LAMIAKOKO KULTUR GELAN.

- Lamiakoko macro-araztegia.

- Txopoeta, Lamiako, Pinueta eta Txorierri auzoetan, kirol eta kultura
azpiegituren falta.

- Etxebizitza udal politika.

- Auzoetako aldaketa berriak.

Iruzkinak ezgaituta

LARUNBATEAN HITZORDUA BILBON ERREPRESIOA SALATZEKO

Posted by admin | BERRIAK | Astelehena 29 Iraila 2008 12:54 pm

Amnistiaren Aldeko Mugimenduko kide ugarik azken asteotako gertaerak salatu eta erantzun handi baterako deia luzatu zuten Hernaniko kultur etxetik egindako agerraldi masiboan. Herri eta auzo ugaritan antolatu dituzte autobusak bertaratzeko.

Hurrengo irakurketa burutu dute prentsaurrean

Hemen bildu gara Euskal Herri osotik etorririko. Amnistiaren aldeko militanteak, preso politiko ohiak, presoen, iheslarien edota errepresioak hildakoen familiarrak, edota torturatuak izandako pertsonak.

class="MsoNormal" align="justify"> Aste honetan, errepresio espainiarraren armategiko tribunalek (AN eta AG) erabaki sakonak hartu dituzte:

Presoekiko elkartasuna eta errepresioaren salaketa debekatu eta kriminalizatzea legezko bilakatu dute. Erabaki dute eta legezko egin, preso politikoen eskubideak defendatzea terrorismoa dela; injustizia edo eskubide urraketak salatzea terrorismoa dela.

Legez kanpo jarri ditu ANV eta EHAK alderdiak, Euskal Herriko sektore oso bat lan instituzional eta politikorako eskubide eta aukerarik gabe utziz.

Kapitulu berri honek, PSOE-ren gobernuak Euskal Herrirako prestatu duen plan errepresiboan beste pausu bat gehiago suposatzen du. Bide polizial eta errepresiboa da herri honi eskaintzen dion aukera bakarra. Hilabete honetan bertan, Nafarroan guardia zibilak herritarrak bahitu eta era basatian torturatu ditu, beldurra zabaldu eta inpunitatea maila gorenera eramanez; Juanjo Rego Vidal, gaixotasun larria izanik ere bahiturik duten presoa gose eta egarri greban jarri izanak, gobernuak espetxeetan heriotza zigorra gupidarik gabe ezartzeko apustua duela erakusten du.

Euskal Herrirako espreski hartutako erabaki judizial horiek GAL antolatu zuten politikari bertsuen bulegoetan hartzen dira. Rubalcaba eta Zapatero dira, errepresioaren agenda zehazten dutenak, Audientzia Nazionalak Euskal Herriari eta herritarrei kolpe berria noiz eta nola eman behar dion erabakitzen dutenak.

Espainiar Estatuak Euskal Herrian krimena legezko bilakatu du. Jazarpena, gerra zikina, tortura, eskubide zibil eta politikoen urraketa, oinarrizko askatasun eta eskubide demokratikoen zanpaketa eta preso politikoen anikilaziorako neurriak legezko egin dituzte. Estatu Espainolaren izaera faxista azpimarratu dute.

Euskal Herrian hitza delitua den bitartean, tortura basatia zilegizko eta baimendua da. Elkartasuna delitu den bitartean, heriotza zigorra eta biziarteko espetxe zigorra legezko dira. Manifestatzea eta iritzia ematea delitu diren bitartean, biolentzia poliziala txalotua, laudatua eta legezkoa da.

Hau guztia gertatzen da, Ibarretxeren Gobernu kolaboratzaileak auzitegi nazionalaren irizpideak bere egin eta, bere kabuz, presoen aldeko manifestazioak debekatu eta herritarrak inpunitate osoz jipoitu eta atxilotzen dituen bakoitzean. Hau guztia gertatzen da instituzioetan botere gehiago eskuratzeagatik ANV kanporatzeko inolako arazorik ez duten politikari eta alderdien jarrera ‘etikoa'ri esker. Errepresio bortitz eta basatiaren aurrean beste aldera begiratzen duten horiek zabaltzen dituzten inpunitate eremuei esker.

Euskal Herrian bizi dugun salbuespen egoera eta demokrazia ezaren egoera duela 40 urteko diktaduraren parekoa da. Euskal Herrian inoiz onartu ez den Konstituzio Espainiarrak demokrazia itxura eman eta inposizioa bermatu besterik ez du egin, Konstituzioaren babesean errepresio aro gordinak, biolentzia poliziala, tortura basatia eta jazarpen politikoa ezarri dituzte. Euskal Herria preso mantentzen duen Konstituzioa babesten dutenak dira Espainiako espetxeak askatasunaren alde jarduten diren euskal herritarrez betetzen dituztenak. Politikariek behin eta berriro goraipatzen duten Marko Konstituzionalaren aurka egotea edo berau zalantzan jartzea, nahikoa arrazoi da urte luzetarako espetxean giltzapetzeko.

Marko Konstituzional espainiarra da, bere errepresio, inposizio eta inpunitatearekin, herri honetan inolako zilegitasunik ez duena eta legez kanpo egon behar litzatekena.

Errepresio gehiago badago, errepresioaren salaketa gehiago izango da. Preso politiko gehiago bada, presoekiko maitasun eta elkartasuna hazi besterik ez da egingo. Amnistiaren Aldeko Mugimendua ezin dute espetxeratu, espetxeak apurtu eta askatasuna eskuratzeko jaio baitzen, preso guztiak gure artean izan arte, amnistia lortu arte!

Salbuespen egoerari, faxismoari aurre egiteko deia luzatu nahi diogu Euskal Herriari. Herriz-herri burutuko diren mobilizazioetan parte hartzeko deia luzatzearekin batera, manifestaldi nazionala burutzeko deia egiten dugu, Urriaren 4ean, 17.30tan

Iruzkinak ezgaituta

NAZIO MANIFESTALDIA:”Aurre egin salbuespen egoerari, Euskal Herriak Askatasuna!”>>Bilboko Aita Donostia

Posted by admin | BERRIAK | Astelehena 29 Iraila 2008 12:31 pm

Urria 4, 2008
5:30 pm

Iruzkinak ezgaituta

KOTXE KARABANA: ” SALBUESPEN EGOERARI ERANTZUN,EUSKAL HERRIAK AUTODETERMINAZIOA ETA ASKATASUNA!!!”;txosnen aparkalekutik (anbulategiaren atzeko aldean)

Posted by admin | BERRIAK | Osteguna 25 Iraila 2008 7:21 am

Iraila 26, 2008
8:00 pm

ADI! Azken ostiraleko mobilizazioa.

KOTXE KARABANA" "

Irailak 26, 20:00etan txosnen aparkalekutik (anbulategiaren atzekaldean)

SALBUESPEN EGOERARI ERANTZUN,EUSKAL HERRIAK AUTODETERMINAZIOA ETA
ASKATASUNA!!!

Auzitegi Goreneko 61. Salak EAE-ANV eta EHAK legez kanpo utzi ditu. Bi
ilegalizazio berri hauei gehitu behar diogu Amnistiaren aldeko mugimenduko
21 kideren aurkako espetxe zigorrak eta Askatasunaren legez kanporatzea
eta, oro har, azken asteetan eman diren tortura kasu lazgarriak,
atxiloketa eta espetxeratze arbitrarioak, bahiketak, manifestazio
debekuak, udaletxez udaletxe eta erakundeetan ematen den apartheid-a, eta
abar luze bat. Hitz gutxitan: salbuespen egoera larria bizi du Euskal
Herriak, gure herrian ez dago demokraziarik.

Atzo estatu frantzesak, Batasunaren aurkako erazo berri batean, 14 euskal
herritar gehiago atxilotu zituen.

Euskal Herrian ez dago demokraziarik. Espainiar estatuan frankismoak
bizi-bizirik jarraitzen duelako. Orain 30 urte ez zen frankismoarekin
bukatu, ez zen benetako trantsiziorik izan. Espainian, erregimen
frankistaren oinordekoek, epaitegiek, epaileek, komunikabideek, politikoek
agintzen dute oraindik ere, eta PSOEk ez du inolako eskrupulurik eta
lotsarik frankistekin lerrokatzeko, frankismoaren kontra borrokatu zutenak
espetxera bidaltzeko, gure herrian hizki larriz idatzitako salbuespen
egoera ezartzeko, Espainiako kartzelak independentistentzat kontzentrazio
eremu bilakatzeko… Hori guztia helburu jakin batekin: ezker
independentismoarekin, eta oro har, Euskal Herriaren askatasun nahiarekin
behin betikoz amaitzeko.

Iruzkinak ezgaituta

SALBUESPEN EGOERARI STOP! EUSKAL HERRIAK AUTODETERMINAZIOA

Posted by admin | BERRIAK | Asteartea 23 Iraila 2008 7:02 am

MOBILIZAZIOA
Irailak 25, osteguna,20:00etan

Leioako Boulavarrean

PSOEko Gobernuak aspalditik idatzitako gidoia hitzez hitz bete da: Auzitegi Goreneko 61. Salak EAE-ANV eta EHAK legez kanpo utzi ditu. Eta bi ilegalizazio berri hauei gehitu behar diogu Amnistiaren aldeko mugimenduko 21 kideren aurkako espetxe zigorrak eta Askatasunaren legez kanporatzea eta, oro har, azken asteetan eman diren tortura kasu lazgarriak, atxiloketa eta espetxeratze arbitrarioak, bahiketak, manifestazio debekuak, udaletxez udaletxe eta erakundeetan ematen den apartheid-a, eta abar luze bat. Hitz gutxitan: salbuespen egoera larria bizi du Euskal Herriak, gure herrian ez dago demokraziarik.

Euskal Herrian ez dago demokraziarik. Espainiar estatuan frankismoak bizi-bizirik jarraitzen duelako. Orain 30 urte ez zen frankismoarekin bukatu, ez zen benetako trantsiziorik izan. Espainian, erregimen frankistaren oinordekoek, epaitegiek, epaileek, komunikabideek, politikoek agintzen dute oraindik ere, eta PSOEk ez du inolako eskrupulurik eta lotsarik frankistekin lerrokatzeko, frankismoaren kontra borrokatu zutenak espetxera bidaltzeko, gure herrian hizki larriz idatzitako salbuespen egoera ezartzeko, Espainiako kartzelak independentistentzat kontzentrazio eremu bilakatzeko… Hori guztia helburu jakin batekin: ezker independentismoarekin, eta oro har, Euskal Herriaren askatasun nahiarekin behin betikoz amaitzeko.

Euskal Herrian aldaketa politikorako aukera zabalik dago eta PSOEk, salbuespen egoera basatiena ezarriz, autodeterminazio eta lurraldetasun eskubideetan oinarritutako aldaketa politikoa galarazi eta gaur egungo esparru konstituzional-autonomikoa kosta ahala kosta iraunarazi nahi du, duela 30 urte egin bezalaxe, indarrez iraunarazi ere. Horretarako aldaketa horren motorra den ezker abertzalea txikituz eta Euskal Herriaren eskubideen aldeko jarduera oro jazarriz.

Aitzitik, ez da PSOE, Euskal Herriaren ukazioa, zatiketa eta menpekotasunean oinarritutako marko konstituzional-autonomiko antidemokratiko honen defentsan ari den eragile bakarra. Izan ere, zeregin horretan, beste behin ere, duela 30 urteko iruzurrean parte hartu zuten eragile berberen laguntza izaten ari delako.

30 urte daramatzagu marko konstituzional-autonomiko honen baitan eta inoiz baino agerikoagoa da marko horrek, Euskal Herriaren herri eskubideak ahalbideratzetik urrun, horien ukazioa iraunarazteko bitartekoa dela eta hartara, marko horrek ez duela inolaz ere gatazka politikoaren gainditzea ahalbideratuko. Are gehiago, marko konstituzional-autonomiko honek, 30 urte geroago, frankismoa itzultzea ahalbidetu du, salbuespen egoera ezartzea.

Euskal Herriak demokrazia, askatasuna behar du. Euskal herritarrok gure etorkizuna libreki erabakitzeko eskubidea eta ahalmena behar dugu. Eta horretarako, ezinbestekoa da Espainia eta Frantziako konstituzioen harresia bota, gaur egungo esparru konstituzional-autonomikoa gainditu eta marko demokratiko bat erdiestea, Euskal Herria nazio gisa aitortuko duena eta euskal herritarrek proiektu politiko guztien artean, independentziarena barne, erabaki ahal izan dezaten ahalbideratuko duena.

Hauxe bera da, osoko udal batzan aurkeztuko dugun mozioa, Euskal Herriaren eskubide zibil eta politikoen alde azaltzeko, eta beharrezkoak diren neurriak har ditzan ilegalizazio hauen aurrean.

Ebazpenak:

-Udal honek indar politiko guztiek Euskal Herriko bizitza politiko, sozial eta kulturalean berdintasun baldintzetan parte hartzeko eskubidea dutela aldarrikatzen du

-Udal honek ilegalizazio estrategia euskal herritarren nahiz Euskal Herriaren eskubideen aurkako eraso bortitza dela adierazten du.

-Udal honek alderdi politikoen ilegalizazio estrategiak normaltasun politikotik urrundu eta gatazka politikoa elikatzen duela adierazten du.

-Udal orok herritarren borondatea behar du oinarri. Hortaz, udal honek, herritarren borondatearen aurkako lege, epai edota erabakiei ez die inolako zilegitasunik aitortzen.

-Udal honek herritarrek aukeraturiko ezker abertzalearen zinegotziak eta parlamentariak, eragile eta mintzakide politiko gisa onartzen ditu.

-Udal honek ezker abertzalearen parte hartze politiko osoa ziurtatu ahal izateko konpromisoak hartuko ditu.

-Udal honek euskal jendarteak nahi eta eskatzen duen aldaketa politikoa, Euskal Herriaren autodeterminazio eta lurraldetasun eskubideetan oinarrituko den aldaketa, gauza dadin bere ekarpena egiteko prest dagoela adierazi nahi du.

-Udal honek, alderdi interesen gainetik, zazpi herrialdeetako euskal herritarrok Euskal Herriaren etorkizunaz erabakitzeko eskubidea ahalbidetuko duen marko demokratikoren alde lan egiteko konpromisoa hartzen du.

-Udal honek ilegalizazio estrategiaren bidez Euskal Herrian ezarritako salbuespen egoera salatzeko eta euskal herritarren eskubideak nahiz borondatea errespeta dadin exijitzeko “Herriaren borondatea errespetatu: ilegalizaziorik ez!” lelopean manifestazio bat egiteko deia luzatzen du eta herritarrei manifestazio horretan parte hartzeko gonbitea luzatzen die.

-Mozio honen bidez onartutakoa herritarrei zein komunikabideei jakinaraziko zaie.

MOBILIZAZIOA
Irailak 25, osteguna,20:00etan

Leioako Boulevarrean

Iruzkinak ezgaituta

MOBILIZAZIOA: “Salbuespen egoerari stop!” (Leioako Boulevarrean)

Posted by admin | BERRIAK | Astelehena 22 Iraila 2008 8:37 am

Iraila 25, 2008
8:00 pm

MOBILIZAZIOA

Irailak 25, osteguna,20:00etan

Leioako Boulevarrean

SALBUESPEN EGOERARI STOP!

EUSKAL HERRIAK AUTODETERMINAZIOA

Iruzkinak ezgaituta

UDALETXEAK BERRIRO ERE UKATU DIGU HITZALDI BAT EMATEKO GENUEN UDAL ARETOA

Posted by admin | BERRIAK | Astelehena 22 Iraila 2008 8:23 am

Udalaren helburua ezkutatzen diguten informazioa leioaztarroi ez luzatzea da; leioaztarroi batere kontsultarik egin gabe gure udalerriaz hartzen dituzten erabakiak ezkutatu nahi dituzte, eta horregatik ukatzen digute guk dugun informazioa emateko hitzaldiak egiteko udal aretoak erabiltzea.

Bestalde, Udal aretoak udalerriko herritar eta eragileen esku egon beharko lirateke, baina udalak bere interesen mesedean erabiltzen ditu bestelako alternatibak ditugun taldeoi erabiltzea ukatuz.

HITZALDIA. IRAILAK 23, ASTEARTEA, 19:30ETAN KURKUDIN.

– "PGOU" eta Bilbo handiko "PTP"-aren azken aldaketak eta garapena.

– Etxebizitza Udal Politika eta hiri garapen berriak: Ondiz, Leioandi,
Larrakoetxe y Torresolo.

– Leioako "La Avanzada"-ren estalketa.

– Peatonalizazioa eta tranbia.

– Pinosolo Polikiroldegia.

Iruzkinak ezgaituta

HITZALDIA: ESTALKETA, PINOSOLO KIROLDEGIA, … HAINBAT GAI”.KURKUDIN.

Posted by admin | BERRIAK | Astelehena 22 Iraila 2008 8:21 am

Iraila 23, 2008
7:30 pm

HITZALDIA. IRAILAK 23, ASTEARTEA, 19:30ETAN KURKUDIN.

- "PGOU" eta Bilbo handiko "PTP"-aren azken aldaketak eta garapena.

- Etxebizitza Udal Politika eta hiri garapen berriak: Ondiz, Leioandi,Larrakoetxe y Torresolo.

- Leioako "La Avanzada"-ren estalketa.

- Peatonalizazioa eta tranbia.

- Pinosolo Polikiroldegia.

Iruzkinak ezgaituta

UDALETXEAN 5 URTEZ DEMOKRAZIARIK GABE

Posted by admin | BERRIAK | Asteazkena 17 Iraila 2008 7:03 am

Ezker Abertzalea udaletxetik kanporatuta izan zenetik ez dago benetako oposiziorik, ezta alternatibarik ere. Honek guztiak leioztar guztiak pairatzen ditugun ondorioak ekarri ditu urte hauetan.

Araztegia Lamiakon: auzotarron interesak eta beharrak alde batera utzita, udaletxeak jarrera arduragabea erakutsi du Lamiakon eraiki nahi duten depuradora erraldoiaren alde agertuz, eta beste aukerara bidegarriak aztertzeari uko eginez (lekuan lekuko araztegi txikiagoak eraikitzea).

Avazadaren estaltzea: Leioztarren aldarrikapenei eta jasotako 2000 sinadurei entzugor egin du. Udaletxeak proposatzen duen irtenbideak ez erabat konpontzen arazoa, eta ezberdintasunak ezartzen ditu inplikatuta dauden auzotarren artean.

Sabino Arana oinezkoentzako: Udaletxeak kale hau oinezkoentzako bihurtzeko proiektua zentzurik gabe uzten du, oinezkoentzako izan zitekeen herriko kale bakarretik tranbia ezartzean.

Kultur Leioa: Guztion artean ordaindu dugun kultur areto dotorearen erabilera gutxi batzuren esku geratzen da. Eraikuntza honen erabilera dohaineko izan behako bazen ere, udaletxeak prezio neurrigabeak ezartzen ditu bilkura zein entsegu gelak erabiltzeko. Leioztarrek erabiltzeko espazioa izan beharrean enpresa pribatuari eta espekulazioari eskainitako kultur aretoa da.

Etxebizitza: Arazon honen inguruan herrian dugun egoera aztertu beharrean (etxebizitza erosteko zein alokatzeko neurriz kanpoko salneurriak, okupatu barik dauden etxebizitza kopuru handia, …), etxegintza enpresen jomuga da gaur egun, gure herria porlanezko herria bilakatu nahi dute. Guzti honek norbaiten pratikak beteko ditu.

Herriko jaiak: "Ekitaldi ikusgarriak" egiteko aurrekontuak handitzen diren bitartean, gure auzoetako jai batzordeek eta kultur taldeek jasotzen dituzten dirulaguntzak farregarriak dira eta ez dira era ekitatiboan banatzen.

Igeritokia olatuekin: Herrian lehentasunezko proiektuak abian jar ditzan exijitu ordez, Udaletxeak Diputazioarekin zentzugabeko olatudun igeritokia adoztu du bizkaitarren eta leioztarren dirutza xahutzeko

Entxufismoa: Zer esan honen inguruan … Udaletxeko kudeaketan eguneroko jarduna da, agerian eta itxuragabekeriz egiten dena.

Udaletxean Ezker Abertzalearen presentzia behar demokratikoa da. Aipatutako guztia gerta ez dadin eta kudeaketa gardena izateko bermea da. Gure herriaren sentimendua eta herritar guztien iritziak islatuko dituen elkargunea izateko Ezker Abertzalea udaletxea izan behar da.

Leioztarron hitza udaletxean!!!

1138 boto => 2 zinegotzi

Iruzkinak ezgaituta

MOBILIZAZIO EGUNA: “EAE-ANVren ilegalizazioa” (Leioako Bulebarrean)

Posted by admin | BERRIAK | Astelehena 15 Iraila 2008 12:30 pm

Iraila 17, 2008
8:00 pm

SALBUESPEN EGOERARI STOP !!!

Ilegalizazio guztien gainetik Ezker Abertzalea aurrera.

MOBILIZAZIOA
Gaur Irailak 17, 20:00etan Leioako Bulebarrean.

Iruzkinak ezgaituta

GUDARI EGUNA

Posted by admin | BERRIAK | Astelehena 15 Iraila 2008 12:04 pm

Iraila 27, 2008

Gudari Eguna Ezker Abertzaleak irailaren 27an ospatzen duen eguna da. Egun horretan 1975an Txiki eta Otaegiren fusilatzea gogoratzen da. Txiki eta Otaegi frankismoak exekutatu zituen azken bi euskal presoak izan ziren, FRAPeko hiru kiderekin batera (Jose Luis Sanchez Bravo, Ramon Garcia Sanz eta Humberto Baena).

Urtero ekitaldiak burutzen dira herri askotan eta hildako ETAkideak omentzen dira.

Iruzkinak ezgaituta

EGUTEGIA

AGENDA

ELKARTEAK

ERAKUNDEAK

KOMUNIKABIDEAK

Meta

HITZALDIA:”GURE HERRIARI BURUZ …”>> LAMIAKOKO KULTUR GELAN

LARUNBATEAN HITZORDUA BILBON ERREPRESIOA SALATZEKO

NAZIO MANIFESTALDIA:”Aurre egin salbuespen egoerari, Euskal Herriak Askatasuna!”>>Bilboko Aita Donostia

KOTXE KARABANA: ” SALBUESPEN EGOERARI ERANTZUN,EUSKAL HERRIAK AUTODETERMINAZIOA ETA ASKATASUNA!!!”;txosnen aparkalekutik (anbulategiaren atzeko aldean)

SALBUESPEN EGOERARI STOP! EUSKAL HERRIAK AUTODETERMINAZIOA

MOBILIZAZIOA: “Salbuespen egoerari stop!” (Leioako Boulevarrean)

Irailak 25, osteguna,20:00etan

UDALETXEAK BERRIRO ERE UKATU DIGU HITZALDI BAT EMATEKO GENUEN UDAL ARETOA

HITZALDIA: ESTALKETA, PINOSOLO KIROLDEGIA, … HAINBAT GAI”.KURKUDIN.

UDALETXEAN 5 URTEZ DEMOKRAZIARIK GABE

MOBILIZAZIO EGUNA: “EAE-ANVren ilegalizazioa” (Leioako Bulebarrean)

GUDARI EGUNA