Euskal Herrian bizi dugun eskubide bortxaketa eta defizit demokratikoa oso larria da. Egoera honek izen bat du: Salbuespen egoera. Eta helburu argia du: Euskal Herria aldaketa politikoaren atarian dagoen honetan, euskal independentismoarekin amaitzea.

Aldaketa politikoak lurraldetasunean eta erabakitzeko eskubidean oinarritu behar duela gaur-gaurkoz ez du inork zalantzan jartzen. Halaxe ari da gertatzen XXI. mendeko Europako beste nazio batzuetan, eta Euskal Herrian ere, aldaketa politikoa norabide horretan gauzatzeak independentziari ateak ireki, eta Euskal Estatua eratzeko aukerak sortuko lituzke.

Etorkizuneko aukera horren aurrean, Espainiako Estatuak Euskal Herriari askatasunaren hegoak ebakitzea erabaki du, alderdi politikoak ilegalizatuz, zuzendaritza politikoak espetxeratuz, euskal gazteria atxilotuz eta torturatuz, edota gizarte mugimenduak kriminalizatuz. Eta hori guztia ez litzateke posible izango erregionalisten erabateko laguntzarik gabe.

Testuinguru politiko horretan egingo dira azken 30 urte hauetako hauteskunde antidemokratikoenak. Euskal Herriak ezin du pantomima honetan parte hartu. Horregatik, inoiz baino beharrezkoagoa da euskal gizarteak plantoa egitea, Euskal Herriaren eskubideen alde eta salbuespen egoera honen aurka.

Ezin dugu iruzur honekin bat egin. Euskal herritarrok ezin dugu salbuespen egoera hau ahalbidetzen duen botorik eman; ezin dugu norbanakoen interesek gidatutako botorik eman; ezin dugu berme demokratikorik gabe sufragio unibertsala gauzatu.

Aurrera egiteko ordua da, independentziarako garaiak dira, Euskal Herriaren ordua da.
Horregatik dei berezia egiten diegu abertzale eta aurrerakoi orori abstentzioaren aldeko hautua egiteko;

Martxoak 7, Independentziaren aldeko JAIA-EKITALDI POLITIKOA Leioako
Plaza Gorrian 18:30etatik aurrera.

Martxoak 6, Kotxe karabana Euskal Herriaren eskubideen alde 19:00etan
Leioako anbulategiaren atzekaldetik.

       URTZI MURUETA GONDRA, leioztarra, otsailaren 28 eta 29an Espainiako Entzutegi Nazionalean epaituko dute, erakunde armatuko kide izatearen akusaziopean. Isun ekonomiko eta 30 urteko espetxe zigorrari aurre egin beharko dio.

    Entzutegi Nazionalean URTZI MURUETA GONDRAren kontra zabaldutako prozedura judiziala, akusatuta atxilotuta zegoela egindako deklarazioetan oinarritzen da. Eta akusatu horiek poliziaren eskuetan inkomunikaturik zegoela torturak eta tratu txarrak pairatu zituela salatu zuen.

       Torturaren Aurkako Nazio Batuen Errelatoreak, zein “Amnesty International” erakundeak egindako txostenek, behin baino gehiagotan jaso dituzte salaketa hauek, eta zuzenbide estatu demokratiko batekin bateraezina den gaitz honekin bukatzeko beharra, prozesu judizialetan torturari esker lortutako testigantzak erabiltzeko zilegitasunik eza eta  giza eskubideen urraketa larria dakarten praktika hauek desagertarazteko beharrezkoak diren neurriak hartzeko orduan gobernuek duten ardura berretsi dute

• Otsailaren 28 eta 29an Epaituko dute Madrileko Auzitegi Nazionalean

• 30 Urteko espetxe zigorra eskatzen diote.

• Atxilotu batek, inkomunikazio egoeran, torturapean egindako deklarazioetan oinarritzen da.

Bost urte pasatu dira Guardia Zibilak, Espainiako Auzitegi Nazionalaren aginduz, Euskaldunon Egunkaria itxi zuela. Eraso judizial hark izugarrizko lurrikara politikoa eragin zuen Euskal Herrian, eta jasotako elkartasuna eta gizartearen erantzuna ere tamaina berekoa izan zen.

Otsailak 20: elkarretaratzea 19:30ean Telletxe plazan, Algortan.

EGUNKARIA LIBRE!!

Euskal Herriaren eskubide demokratikoetan oinarritutako proiekto independentistaren alde lan egitea ez da erraza izan inoiz gure herriaren historia hurbilean. Horren lekuko ditugu azken hamarkadetan gure herriak jasandako zapalkuntza eta errepresioa.

Baina ezker abertzaleak jakin izan du, beti egoera politiko eta sozialera egokitzea, eta herri honen askatasunaren banderaren pean lanean jarraitzea.

Azken hamarkadetan etengabeak izan dira ezker abertzaleari egin zaizkion interpelazio eta eskaerak. (gehiago…)

ATXILOTUAK ASKATU!!! GAUR OTSAILAK 11, ASTELEHENA, MOBILIZAZIOA
BULEBARREAN 20:00ETAN.

"ASKI DA" ESATEKO GARAIA DA, SALBUESPEN EGOERARI STOP!!!

        12:00etan eta 20:00etan mobilizazioak Leioako Bulebarretik.

                                                    videoa ikusi 

2005/2007 negoziazio aldia eta ondorenean, haustura emanda, Espainiako gobernua (estatua) eta berau kudeatzen duen PSOE alderdiak sekulako jauzi errepresiboan murgilduta dago.

Euskal Herriak, bere buruaren jabe izateko daraman bidea soilik errepresio bidez geldi dezakeela sinestarazita dago. Zentzu honetan, estatuko tresna diren botere judiziala eta segurtasun indarrek baimena dute Euskal Herriaren kontra edozein gauza egiteko.

Azken hilabeteak horren erakusle dira: Sarekadak, Batasuneko mahi nazionalaren gartzeleratzea, ilegalizazioak, 18/98 sumarikoen gartzeleratzea, tortura, ekitaldien debekuak…Oinarrizko eskubideen aurkako jazarpen eta eraso larriak salbuespen egoera ezarri dute Euskal Herrian eta herritarrak dira zigortuak gehien.

Finean, Euskal Herriaren hitza eta lurraldetasuna ukatu nahi dute, aldaketa politikoa ahalbideratu dezakeen jendarte sektorearekin bukatu nahian dabil.

Salbuespen egoera honi STOP!! esateko ordua dela deritzogu, Independentistokin ezin izango dutela bukatu esateko tenorea heldu zaigu. Oinarrizko eskubideen defentsa eta egoera justu ahalbidetuko duen aldaketa politikoa Euskal Herriak eta herritarrek bermatu behar dugulako, guztion konpromiso eta parte hartzea beharrezkoa dugulako. Horregatik, Otsailaren 14-ean izango den GREBA OROKORRAREKIN bat egitera gonbidatzen zaitugu, zure konpromisoaren bidez taberna, denda, bulegoa, tailer, enpresa… ixtera.

Euskal Herriaren aldaketa, herritarren hitza eta erabakia kontutan hartuz izango dela ziurtatzeko, lurralde guztien presentzia eta parte hartzea benetakoa izango dela ziurtatzeko.

12:00etan eta 20:00etan mobilizazioak Leioako Bulebarretik.

OTSAILAK 14, OSTEGUNA, GREBA OROKORRA. EGUNEAN ZEHAR GURE ESKUBIDEEN ALDE
KALERA. SALBUESPEN EGOERARI STOP!!!

12:00etan eta 20:00etan mobilizazioak Leioako Bulebarretik.

"Euskal Herriaren eskubideen alde, salbuespen egoera stop", partirá a las 12.00 desde Aita Donostia, en Bilbo.

• OTSAILAK 14, GREBA OROKORRA

    Euskal jendarteak elkarrizketa eta konponbide demokratikoaren aldeko iritzia inoiz baino ozenago aldarrikatu duenean, PSOEk makilaren estrategia besterik ulertzen ez duela azaldu du argi eta garbi:

    Gazte independentisten aurkako sarekadak, Batasunako Mahai Nazionalaren kartzelaratzea, 303 atxiloketa urte betean, 710 preso politiko, ia heriotzarainoko tortura basatiak, 18/98 auzi fartsa, erakunde politikoen legez kanporatzeak,… 

    Hau guzti hau, Ezker abertzaleak luzaturiko “Trantsizio demokratikoaren” proposamenari emandako erantzuna izan da. Proposamen honek, proiektu politiko guztiak bideragarri egitea du xedea.

    Baina espainiako konstituzioak dioen moduan: Espainia bakarra eta bana ezina da eta hau defendatzeko edozer egiteko prest dagoela ohartarazi nahi digu gobernu espainiarrak.

    Euskal independentismoa nola edo ahala desagerrarazi nahi dute, baina ez dute ulertzen pertsonak kartzelaratu daitezkeela  ideiak ordea ez.

    Izan ere, arazoa ez dute Ezker Abertzalearekin, arazoa Euskal Herriarekin daukate. Eta hau ez da batzuen poltsikoak beteko dituzten konpetentzia miserable batzuen bidez  konponduko. Azken finean, istituzio autonomista horiek baitira espainiar indar armatuak gure herrian nahi dutenean eta nahi duten moduan sartzea ahalbideratzen dutenak, erakunde politikoen legez kanporatzea             kudeatzen dutenak eta azken batean proiektu politiko guztien gauzatzeari ateak ixten dizkietenak.

    Hitz hutsalen garaia bukatu da. Gauzak ez dira besterik gabe aldatzen, egoera hau gainditzeko urratsak eman behar dira eta horretarako konpromisoak hartzea derrigorrezkoa da. 

    Hortaz bakoitzari dagokion neurrian SALBUESPEN EGOERA HONI STOP ESATERA DEITZEN DIOGU ! ! !

ADI MOBILIZAZIOEI ! ! !   ESKUBIDE ZIBIL ETA POLITIKOEN DEFENTSAN…

EUSKAL HERRIA KALERA ! ! !

Leioako Ezker Abertzalea

• OTSAILAK 14, GREBA OROKORRA

Gaur goizean Garzon epaileak PSOEko faxisten eskaerak bete ditu eta EHAK
eta EAE-ANV ekimen suspentzioa ezarri du.

INDEPENDENTZIA AURRERA, EUSKAL HERRIA KALERA!!!
EZ GAITUZUE GELDITUKO!!!