• Azken ostiraleko kontzentrazioa
  
• Elkartasun Eguneko diaporama
  
• Musika zuzenean
  
• Luntxa
  

GOIZEAN-LEIOAN

7:30etan PIKETE informatiboa Bulebarretik.

11:30etan KONTZENTRAZIOA Bulebarrean.

GOIZEAN-BILBON

Zutabeak
11:45etan Udaletxetik Moyua Plazara.
11:45etan Zabalburutik (Juan de Garay) Moyua Plazara.
11:45etan Deustutik (San Pedro plaza) Moyua Plazara.(Gure eskualdea)
11:45 Salveko zubitik (Alameda Rekalde) Moyua Plazara.

Manifestazioa
12:30etan Moyua plazatik Jesusen Bihotzera

ARRATSALDEAN-HERRIETAN

16:00etan KOTXE KARABANA anbulategiaren atzekaldetik.

18:30etan MANIFESTAZIOA Bulebarretik

Kapitalismoaren mesederako gero eta estutuagoak izaten ari gara pertsonak eta herriak, eta honen adibide gordina Euskal Herrian dugu ( Kupoak, hitzarmenak, sindikalismoaren kontrako erasoak, eskubide politiko, ekonomiko eta sozialen murrizketak, pribatuak diren negozioen onurako arka publikoen hustea,  kapitalismo basatiaren inplementazioa AHTaren, superportuen eta erraustegien bidez, herri borondatearen mesprezua, atxiloketak, presentzia poliziala, debekuak…) 

Kaleratzeak merketuz, malgutasun laborala exijituz, soldatetarako eskala bikoitzak erabiliz, lanaldi gordinez, mugikortasunaz baliatuz, ordezkaritza sindikala murriztuz, pentsioen erreforma bultzatuz, lan istripuak areagotuz,  LGSa bere horretan mantenduz… honetaz baliatuz azken 30 urte hauetan prekarietatea inposatzen joan zaigu.Tamalez, lan esparrutik haratago doa prekarietatea, herritarron bizi baldintzen esparru ugarietan zabalduz; pobreziaren mugara heltzen ez diren diru sarrerekin bizitzera kondenatuak daude milaka pertsona, lan produktibo eta erreproduktiborako erabiltzen den denboraren banaketa eza, zerbitzu sozial eta publikoen pribatizazioan areagotzea, kopagoaren inplementazioa, pentsioak bere horretan mantentzea,  DBEren kopuruaren %7ko jaitsiera, murrizketa sozialen handitzea, arlo publikoaren pribatizaziorako apustua…

Jendarte osoan aberastasunaren banaketa era orekatu batean bermatzen ez duen patronalaren aldeko fiskalitatea aplikatzen den bitartean behin eta berriz elektrizitatearen, uraren, gasaren garraioaren, zaborren, telefonoaren, postaren… ordainagirien igoera gauzatzen da. Euskal Herrian epe luzerako sistema kapitalista patriarkalari ateak irekitzen ari diote.
 Sektore estrategikoak diren nekazaritza, abeltzaintza, arrantza eta industria bere gisara lagatzen dituzten bitartean, ekonomia hirugarren sektorean oinarritzeko apustu argia egiten dute.

Guzti honek,  behin behineko lan kontratuak, bizi osorako zorrek eragindako ezegonkortasuna, duintasunez bizitzeko ezintasuna gero eta zabalduagoa egotea eragiten du gure jendartean. Sistema kapitalista patriarkalak berezko dituen zapalkuntzaren eta prekarietatearen eragina krudeltasun handiarekin bizi dute bereziki gazteak, emakumeak eta migranteak. Xantai honek zapalkuntza eta sumisioa onartzera bultzatzen gaitu,gero eta dispertsatuagoa eta zapalduagoa dauden langile klase eta jendarte bat eraginez.

Gure bizi proiektu pertsonala zein kolektiboa aurrera ateratzeko ezinbestekoa dugu elikadura subirautza. Herri bat zapaltzen duen herria inoiz ezin delako aske izan burujabetza ekonomikoa ezinbestekoa dugu. Ekonomiaren demokratizazioaz hitz egiten dugu, jendartearen gehiengoa izan dadila,hau da,  herri hau egunero bere lanarekin ateratzen dutenek,  hitza eta erabakia har dezan gure bizi moduan eragiten duten gakoetan.

Arrazoi guzti hauengatik “motxo”arekin dagoen amari, DBH 2. maila ikasten dagoen ikasleari, 6.pisuko auzokideari, parkean egoten diren pertsona helduei, langileari, etxeko langileari, gazteriari, emakume guztiei, pertsona migranteei… guzti hauei, soziala izango den Greba Orokorrean parte hartzeko deialdia luzatzen diegu. Guk alternatiba dugulako eta sistemak berriz, ez. 29an herri honek gure eskubide sozial eta laboralen defentzan kalera aterako da

Joan den otsailaren 2an, EUSKAL MEMORIA FUNDAZIOAk hitzaldia eskaini zuen Leioako kiroldegian. 1936Ko altxamendutik, frankismoko urteetan, trantsizioan zehar zein gaur egungo sasi demokrazian, estatuaren hatzaparretan hildako, jazartutako, torturatutako eta eskubidez erantsitako euskal herritarrak ugariak izan dira. Botereak idatzitako historian lekurik izan ez duten biktima horietako asko eta askoren memoria senide eta lagunen gogorapenetan iraun izan du. Fundazioaren helburua da, hain zuzen, euskal herritar horien guztien memoria bildu eta argitara ematea eta zabaltzea. Informazio gehiago: Euskal Memoria Fundazioa

Ekimenez josirikoak izan dira azken hamabi hilabete hauek, erreferentzia nagusiak Gernika eta Bruselako Adierazpenei erantzuten zien urtarrileko ETAren su etena, Donostian buruturiko Nazioarteko Konferentzia eta jardun armatua behin betiko eteteko ETAren erabakia direlarik.

Gatazka politikoa bere osotasunean konpontzeko baldintzak jarriak dauden egoera politikoa ahalbidetu dute itzal handiko ekimen hauek.

Egun aukera historikoa dugu parez pare gatazka politikoa behin betiko eta bere osotasunean gainditzeko, bai erro politikoei dagokionean, bai eta gatazkaren ondorioei dagokionean. Jardun armatuaren amaiera eta ETAk desarmerako eta konfrontazio armatuaren zikloaren amaiera definitiborako agerturiko borondate argia aurrez aurre dugun aukeraren erreferentzia saihestezina dira.

Izan ere, eta nahiz eta batzuk errelato partzial eta interesatua burutzen saiatu, oinarri politikoa duen gatazka pairatzen jarraitzen du herri honek, konponbide politikoa behar duena.

Eta oinarri politikoa duen gatazka pairatzen dugu arrazoi oso sinple batengatik: estatu espainiar eta estatu frantziarrak Euskal Herriaren aitortza eta erabakitze eskubidea ukatzen dutelako, hauexek dira gatazka politiko eta historikoaren arrazoi nagusiak.

Ezker Abertzalearen iritziz, ziklo armatuaren itxierak klabe demokratikoan egin beharreko elkarrizketa erabakitzaileari ireki behar dio tartea, kultura politiko guztien ezinbesteko parte hartzeaz.

Elkarrizketa politiko honek gatazkaren korapilo historikoak askatu behar ditu, hau da, Euskal Herriaren nazio aitortza eta erabakitze eskubideari dagozkionak. Soilik gatazkari bere sustraietatik helduz eta konponbide demokratikoa emanez lortuko dugu, guztion artean, behin betiko aterabideen agertoki bat, non proiektu guztiak gauzagarriak izango diren. Nazio izaeraren eta erabakitze eskubidearen ukazioa dira gatazkaren hazi historikoa eta berauei aterabidea bilatu gabe, ezinezkoa izango da Euskal Herrian demokrazia osoko egoera eraikitzea.

Azken finean, planteatzen duguna da nazioarte mailan onarturiko eskubide demokratikoak askatasunean eta normaltasunean gauzatu ahal izatea. Bere ñabardurekin, baina egun autodeterminazio erreferendumaren dataren inguruan Eskozia eta Britainia Handiaren artean dagoen eztabaida erreferentzia izan behar luke Madril eta Parisentzat.

Era berean, Ezker Abertzalearen iritziz, gatazkaren konponbiderako ezinbestekoa da bere gainditzea arrazoiei dagokionean, baina baita ere bere ondorioei dagokionean. Beraz, gure iritziz, Estatu espainiar eta frantziarrak ETA erakundearekin elkarrizketak abiatu beharko lituzkete, beti ere gatazka politikoaren ondorioetara eta biolentziazko konfrontazioaren gainditze definitibora eta bere ondorioetara mugatuak. Ondorio horien artean kokatzen ditugu, hala nola, preso eta errefuxiatuen etxeratze, desmilitarizazioa eta ETA antolakundearen desarmea.

Aro berria ireki da Euskal Herrian, guztien ekarpena behar duen aroa. Normalizazio politiko eta demokratikoko prozesuan aurrera egiteko ezinbestekoa da eskubide urraketa eta salbuespen neurri oro baldintzarik gabe bertan behera uztea. Horrela bada, Ezker Abertzaleak dei egiten dio PPri ekin diezaion, premiaz, normalizazio politiko eta demokratikoan aurrera egiteko nahitaezkoak diren bi gaiei: batetik, eragile politiko guztien legalizazioa, jarduera politikoekiko kriminalizazioa eta jazarpenari amaiera emanez; eta bestetik, Euskal preso politikoen eskubide guztien errespetuan oinarritutako neurriak hartzea, era kolektiboan ezartzen zaizkien salbuespenezko neurriak bertan behera utziaz.

Esan bezala, gertaera edo mugarri ezberdinek baldintzaturikoak izan dira azken hamabi hilabete hauek. Eta horrela, gertaera bezala, baloratu nahi du Ezker Abertzaleak aurreko larunbateko manifestazio erraldoia. Ezker Abertzalearen iritziz presoen eskubideen aldeko mobilizazioaren irudia egoera politikoaren adierazle argia da; gehiengo sozial zabal bat eskubide eta demokrazia aldarrikatzen.

Ezker Abertzaleak, bere aldetik, konpromiso osoarekin lan politikoa egiten jarraituko du, herri honentzako bake justua eta demokrazia egoera lortzeko. Nahiz, oraindik orain, ilegalizazio injustu baten pean aritu behar izan, jarraitu egingo dugu, ekimenak eta ahaleginak biderkatzen, behin betiko konponbide demokratikoranzko bidean aurrera egiteko. Hau ez dago gelditzerik, eta Ezker Abertzalea ez da geldirik egongo.

Horrela, eta amaitzeko, PPri dei egiten diogu arduraz eta momentuak eskatzen duen maila emanez, immobilismoaren lubakia utzi eta euskal jendartearen aldarrikapen demokratikoak aintzat har ditzan. Erreferentziak oso argiak dira, beraz, dei egiten diogu espainiar gobernu berriari Gernika eta Aieteko adierazpenak bere egin ditzan eta soluzioen aldeko eragile bihur dadin.