Eneko Arruebarrena alkatearen aginduz, atzo eguerdian kanporatu zituzten euskal preso politikoen eskubideen alde baraualdian diren sei leioaztarrak. Gertatutakoa salatzeko, arratsaldeko udal osoko bilkurara joan zen auzotar talde bat. Idazkia irakurri nahi zuten bertan, baina aretora sartzea salatu zieten udaltzainek, Arruebarrenaren aginduz, “bere benetako aurpegi agintzaile eta faxista erakutsiz”

Euskal preso politikoak jazarpen eta presio izugarriaren jomuga dira. Presoei izaera politikoa ukatzen dieten bitartean beraien aurka hartzen ari diren muturreko neurriek agerian uzten dute ukatua zaien izaera politikoa bera.

Leioaztar talde batek, kolektiboaren borrokaldiarekin bat egin dugu. Beraien aldarrikapenak ezagutarazteko helburuarekin gose greba egitea erabaki dugu.

Bestalde, indarkeriari aurre egiteko emakumeon arteko elkartasuna eta antolakuntza nahiz borroka feministaren premia eta balio politikoa azpimarratu nahi dugu. Baita indarkeriaren aurrean jendarte osoaren inplikazioa ere. Izan ere, guztion ardura da, nagusitzen den sexismoa eta indarkeria adierazpen ororekin bukatzea.

Administrazioek sustatzen duten itxurakeria salatu beharra dago ere. Izan ere, indarkeriari aurre egiteko politika integrala eta eraginkorra oztopatzeaz gain, mugimendu feministaren borroka eta zehazki indarkeria sexistaren kontrako borroka asimilatzeko saiakera iruzurtiak garatzen ari dira.

Leioako Udaletxeak auzo zein herriko jaietarako ordenantza berria kaleratu zuen Irailean. Ordenantzak dirulaguntzei erreparatzen die, alegia, udalak zenbateko dirua inbertituko duen auzoko jaietan edo bestelako herri ekimenetan. Bertan azaltzen den legez, edozein kultura ekimenerako aurrekontua eta ekimenaren proiektu zehatza aurkeztu beharko dira udaletxeko erregistroan

Dagoeneko 25 urte dira Kurkudi, Herriko Taberna berria, zabaldu genuela. Lan eta ahalegin handiaren ondorioa izan zen, baina argi dago merezi izan zuela. Herrikoa denontzat, toki arrunta baino gehiago izan da, eta izango da. Bertan lan egin, hazi eta hezi gara, baina baita harremanak egin, jolastu eta ondo pasatu dugu ere.

Aberri Eguna hurbiltzen ari da, euskaldunok Euskal Herria nazio gisa aldarrikatzen dugun eguna, Araba, Bizkaia, Gipuzkoa, Nafarroa Behera, Nafarroa Garaia, Lapurdi eta Zuberoako ia 3.000.000 biztanleek osatzen dugun Herria.