Ekaina 1, 2009 at 1:25 pm · Clasificados en AGENDA
Dagoeneko 25 urte dira Kurkudi, Herriko Taberna berria, zabaldu genuela. Lan eta ahalegin handiaren ondorioa izan zen, baina argi dago merezi izan zuela. Herrikoa denontzat, toki arrunta baino gehiago izan da, eta izango da. Bertan lan egin, hazi eta hezi gara, baina baita harremanak egin, jolastu eta ondo pasatu dugu ere.
Beraz, urteurrenerako, aipatutako alderdi guztiak hartzen dituzten zenbait ekitaldi izango dira. Batzuk atsedenerako, beste batzuk informatzeko eta baita hausnartzeko ere.
Ekainak 6, larunbata
- Arratsaldeko 20:00etatik aurrera, Iñaki Urrutiak eskainitako Poesia emanaldiaz gozatzeko aukera izango dugu.
- “25. Urteurrena” pintxoaren aurkezpena
Ekainak 14, igandea
- 10:00etatik aurrera, hain gazteak ez garenok Kurkudiko kanpo paretetan mural polit bat margotuko dugu.
- Eguerdiko 12:00etatik aurrera umeen jaia: jolasak, musika, tailerrak…
- 13:00etan “Gazapoen istorioak”, TENDERETE txotxongilo taldearen eskutik
Ekainak 12, larunbata
- Gaueko 21:30etan “Doktortxou”, musika eta humorea eskutik helduta.
- Eta hilabetean zehar pintxo berezia, kamisetak, erakuzketa…
Ekainak 21, igandea, EGUN HANDIA.
Egun honetan, 25. Urteurrenaren ospakizun nagusia izango da.
- 12:00etatik aurrera, Musika, ekitaldia, sorpresak,…
- 14:30etan HERRI BAZKARIA (eman izena lehen bait lehen Kurkudin).
- 17:00etan Antzerkia. “Adur Taldea, adaptable a todo espacio o situación”
Burutuko ditugun ekitaldietan elkar ikusiko dugulakoan, hartu gure agurrik beroena.
OHARRA: Argazkiak, bideoak eta abar badauzkazu jarri gurekin harremanetan:
Emaila: kurkudibuletina@leioatik.org
Edo zuzenean kurkudira jaisten.
Apirila 8, 2009 at 8:10 am · Clasificados en AGENDA
Aberri Eguna hurbiltzen ari da, euskaldunok Euskal Herria nazio gisa aldarrikatzen dugun eguna, Araba, Bizkaia, Gipuzkoa, Nafarroa Behera, Nafarroa Garaia, Lapurdi eta Zuberoako ia 3.000.000 biztanleek osatzen dugun Herria. Nazio ukatua eta zapaldua Estatu espainol eta frantsesaren eskutik, gure izateko eskubidea, eta gure hitza eta erabakia ukatzen dutenak.
Ezker Abertzaletik demokrazia Euskal Herriarentzat lortzea ezinbestekoa jotzen dugu, proiektu politiko guztiak egingarriak izateko, eta independentziari ateak irekitzeko. Horretarako indar bilketa beharrezkoa ikusten dugu, frente independentista bat sortzeko, marko demokratikoa ahalbideratzeko. Aurtengo Aberri Eguna, bide horretan pausu bat bezala ikusten dugu, eta horregatik dei egiten dizuegu leioztar guztiei, Nazio Eztabaida Guneak antolatutako Aberri Egunean parte hartzeko, Apirilaren 12an, Irunetik Hendaiara, “Aldaketa Garaia, Burujabetza garaia” lemapean.
Euskal Herria nazio gisa aldarrikatzera animatzen zaituztegu, ikurrinak balkoietan eta leihoetan eskegiz, horretarako ikurrinak salgai jarriko ditugu Kurkudin. Gogorarazten dizueguegu autobusa egongo dela Leioatik Irunera joateko, apuntatu nahi duenak, Kurkudi Herriko Tabernan egin dezake.
GOGORATU
- Leioatik autobusa aterako da. Gurekin etorri nahi baduzu eman izena Kurkudi Herriko Tabernan, Apirilak 8 baino lehen.
- Herri eta udaletxetan inposatzen diguten piperpotoari ezetz esateko, jantzi zure balkoi eta lehioak ikurrinarekin. Oraindik ez baduzu, Kurkudin erosteko aukera izango duzu.
Apirila 2, 2009 at 8:16 am · Clasificados en AGENDA
Martxoaren 1ean Araba, Bizkaia eta Gipuzkoan buruturiko hauteskundeen ostean eta eztabaida politikoa Gasteizko Gobernuaren osaketan kokatu denean, Euskal Herriak sakoneko aldaketa politiko eta sozialerantz urratsak egin ditzan aztertu beharreko sakoneko gaien inguruko perspektibak eta erreferentziak aurkeztu nahi ditu Ezker Abertzaleak
Marko estatutario agortua – Zilegitasunik gabeko Legebiltzarrak
Alderdi unionistek –PSOEk eta PPk- ezarritako joko-arau politikoen arabera EAEn eginiko hauteskundeek Gasteizko Legebiltzarraren osaketa desitxuratu dute, euskal jendartearen sektore baten aurka inposatutako apartheid politikoan sakonduz. << Albistearen jarraipena >> »
Otsaila 9, 2009 at 9:16 am · Clasificados en AGENDA
D3M eta Askatasunaren zerrendak legez kanpo utzi ditu PSOEk PNVren laguntzaz eta beste guztiak bestaldera begitzen zuten bitartean, baina ez dago Independentziaren irritzia ixiltzea lortuko duen epaitegirik!
Orain arteko lan, konpromiso eta esfortzuarekin… independentismoa bizirik mantentzea, Euskal Herrian konponbide demokratikoaren alde gero eta jende gehiago biltzea eta Nazio Batuek beraiek ere, proiektu politiko guztiak defendagarriak izan behar direla esatea… lortu dugu eta orain, orainartekoak eta beste hamaika arrazoi dauzkagu hautestontziak D3Mren bozkaz gainezka jartzeko!
MOBILIZAZIOAK:
- OTSAILAK 9, ASTELEHENEAN 19:30ETAN KURKUDI ATZETIK KOTXE KARABANA.
- OTSAILAK 13,OSTIRALEAN 20:00ETAN BULEBARREAN TORTURAREN AURKAKO EGUNA DELA ETA
MOBILIZAZIOA.
- OTSAILAK 14 LARUNBAT ARRATSALDEAN BILBON MANIFA NAZIONALA.
Urtarrila 13, 2009 at 10:50 am · Clasificados en BERRIAK
Audientzia Nazionalak PAGOA ZULUETA beste 11 pertsonekin batera epaituko ditu urtarrrilaren 12,13,14 eta 19an erakunde armatuari laguntza ematearen akusaziopean, 7 urte terdiko zigorra eskatzen diotelarik.
Poliziaren eskutan inkomunikaturik zirela, torturak eta tratu txarrak pairatu zituztela salatu zuten atxilotuak, beraz torturapeko aitorpenak dira, pertsona hauen kontra duten bakarra, ez besterik; honela, epaiketa hau ere epaiketa fartsa izango dela garbi geratzen da.
Horrexegatik:
Audientzia Nazionalari epaiketa hau bertan behera uzteko eta atxilotuak tortura eta inkomunikazioa pairatu duten prozedura judizial guztiak artxibatzeko eskatzen dugu.
Audientzia Nazional salbuespen epaitegia den heinean desagertzeko eskatzen dugu, izan ere torturapean lortutako aitorpenak onartuta eta euskal disidentzia zigortzeko etsaiaren justizia aplikatuta epaiketarako prozedura bermerik ez egotea ahalbidetzen baitu.
Leioako bizilagunek aldarrikapen hauek bere egin ditzaten (Gasteizko Legebiltzarrak egun berri duen legez) eta mobiliza daitezela eskatzen dugu.
MOBILIZAZIOA LEIOAN
Urtarrilak 16, ostirala, iluntzeko 8etan Boulevardean
Abendua 22, 2008 at 8:30 am · Clasificados en AGENDA
Data hauek lagun eta senideak mahai baten inguruan elkartzearekin lotzen ditugu nahitaez. Milaka euskal familietan senideren bat faltako da eta ezingo dituzte egun hauek guztiz disfrutatu. Erbesteratzearen zalantzak edo kartzelaratzearen gogortasunak bete ezinezko hutsuneak uzten dituzte, osatugabeko irribarreak marrazten dituzte. Honela burura datorkigu Gutiren atxiloketa eta espetxeratze hurbila, zeina guardia zibilaren eskuetan 5 egun inkomunikaturik egon ondoren epailearen aurrean tortura eta tratu txarrak salatu dituen.
Juztizian, oinarritutako bakea izango duen etorkizunaren itxaropenak, ezin gaitu merezí ez dugun sufrimendua dakarkigun errealitatetik urrundu. Euskal Herrian eragile politiko, sindikal eta sozial gehienek presoen eskubideen aldeko apustua egiten duten bitartean, estatu frantses eta espainiarreko agintariek ez dute inolako pausurik ematen errespetu hau gauzatu dadin. Guztiz kontrakoa. Dispertsioaren arreagotzea eta osasun asistentzi eza, EHU-n ikasteko edota lagun eta senideekin murrizketarik gabe komunikatzeko eskubidearen murrizketa sistematikoen aurrean aurkitzen gara.
Dispertsioak ez dakar soilik gure senide eta lagunak bere ingurunetik aldentzea; dispertsioa Euskal Preso Politikoen kolektiboa apurtzeko neurri politikoa da, berau ahuldu eta neurri errepresibo sakonagoak ezarri ahal izateko. Presoei eta beraien inguruko lagun eta senideei eragiten dien presio neurria da. Kartzelako murruen barruan zein kanpoan hiltzen duen neurria da, ziega bat baino gehiagoko murruak eta errepideak ditugularik honen lekuko tristeak.
Ez da erraza estatuen kartzela politikak zenbat eta nolako sufrimenduak sortzen dituen jakitea, baina sortzen dituela ulertzea erraza da, baita, ez dela legezkoa ezta justua ere. Zoritxarrez, ez dirudi estatuek min hau arintzeko eta egoera honekin bukatzeko asmorik dutenik. Irailean, Estatu Espainiarreko fiskaltzak ikasturte politiko honetarako betebehar nagusietako bat dispertsioan sakontzea zela esan zuen, honela kartzeletako loturak puskatzeko. Zoritxarrez, horretan ari dira.
"EUSKAL ERREPRESALIATUAK ETXERA !!!"
HURRENGO DEIALDIAK
- Abenduak 24 – AMNISTIAREN ALDEKO OLENTZEROA - 17:00etan Plaza Gorrian
- Abenduak 26 - URTEKO AZKEN OSTIRALA - 20:00etan Bulebarrean
- Abenduak 31 – BORROKALARIEN ALDEKO BRINDISA – 19:00etan Plaza gorrian
- Urtarrilak 3 – ETXERATEN MANIFESTAZIO NACIONALA – 17:00etan Aita
Donostian (BILBO)
Abendua 14, 2008 at 2:20 am · Clasificados en AGENDA
(BERRIA)
Azken atxilotuek torturak salatu dituzte, protokoloa jarri badiete ere
Nahiz eta tortura saihesteko protokoloa ezarri dieten, tratu txarrak salatu dituzte astelehenean Irunen ( Gipuzkoa) eta asteazkenean Getxon (Bizkaia) atxilotutako bost lagunek. Iñaki Goioaga abokatuak BERRIAri atzo adierazi zionez, «lekukotasun ikaragarriak» plazaratu dituzte Ibai Egurrolak, Javier Gutierrezek, Amets Ladislaok, Mari Mertxe Alcocerrek eta Maribel Prietok. Ladislaoren arabera, Poliziaren esku inkomunikazio aldian pasatutako egunak «infernua» izan dira. Santiago Pedraz Espainiako Auzitegi Nazionaleko epailearen aurrean deklaratu ostean eman diete abokatuei bost egunetan pasatakoaren berri. Epaileak guztiak ere espetxeratzeko agindu zuen atzo.
Bost atxilotu bizkaitarrek salatu dute poltsa egin dietela, sexualki apaldu dituztela eta batetik bestera eramatean jipoitu egin dituztela. Ladislaok jakinarazi du bera torturatzen ari ziren guardia zibilek egiteko horixe zutela aitortu ziotela, eta elkarren artean norgehiagokan ari zirela aginduak ahalik eta «era eraginkorrenean» betetzeko. Goioaga abokatuaren hitzetan, ez zuten espero Espainiako Gobernuak tortura saihesteko protokoloa indarrean jarri ostean atxilotuek horrelako tratu txarrak jasotzea, baina inkomunikazioak tortura ahalbidetzen duela salatu du. Santiago Pedraz epaileak atxilotuei protokoloa jartzea agindu zuen igandean.
Fiskalaren eskaerari men eginda, behin-behinean eta baldintzarik gabe, bostak espetxeratzeko agindua eman du epaileak. Terrorismo delitu orokorra leporatu die atxilotuei, etakideei ezkutalekua eman eta Frantziara eraman zituztelakoan. Autoaren arabera, Asier Borrero eta Aitor Artetxe ihes egindako ustezko etakideei lagundu zieten uztailean, Poliziak Bizkaia komandoa desegintzat eman zuenean. Aitor Artetxe Gerde herrian (Pirinio Garaiak departamendua, Okzitania) atxilotu zuen, astelehenean, Frantziako Poliziak, beste ustezko bi etakiderekin batera zegoela.Alcocerrek inkomunikazio aldiko bost egunetan egindako adierazpenak ontzat eman ditu Pedrazek espetxeratzeko aginduak emateko.
Atxilotuak «era basatian» torturatu dituztela salatu du Amnistiaren Aldeko Mugimenduak. Ladislao denbora guztian biluzik izan dute, eta 50 aldiz baino gehiago poltsa jarri diote. Etengabe mehatxatu dutela aitortu du. Gutierrezek ere poltsa, jipoiak eta mehatxuak salatu ditu. Egurrolak gaineratu du bidaian pistola eskuan hartuta hilko zutela mehatxatu zutela poliziek. Alcocerren hitzetan, ur hotza bota zioten biluzik zela. Maribelek bestalde, gauez zutik edukiarazi zutela salatu du, lo egin ezinik. Sexu mehatxuak ere egin zizkioten. Denek salatu dituzte torturak epailearen aurrean, eta ukatu dituzte Poliziari egindako adierazpenak.
Protokoloa iruzurtzat daukate
Amnistiaren Aldeko Mugimenduak salatu du torturak saihesteko Espainiako Gobernuaren protokoloa iruzurra dela: «Apaindutako inkomunikazioa ezarri diete atxilotuei, berdin torturatzeko». AAMk ez du sinesten protokoloari jarraiki atxiloaldia kameraz grabatu dutela. «Horrela bada, bideo hori berehala azaltzeko eskatzen diogu Pedraz epaileari». Tortura salatzeko elkarretaratzea deitu du gaur 13:00etarako AAMk Leioako (Bizkaia) bulebarrean.
Madrilgo gobernuak Giza Eskubideen Plana onartu zuen herenegun, baina ez zuen inkomunikazioa indargabetu. Bestalde, tortura saihesteko protokoloa jarri zuen, eta egitasmoak bermatu behar luke atxiloketak irauten duen artean presoak kameraren bidez grabatzen dituztela. Halaber, konfiantzazko medikuaren bisitaldia maiztasunez izatea eta familiei atxilotuak non diren uneoro azaltzea jasotzen du protokoloak.
Espainiako Barne Ministerioaren arabera, Frantziako Poliziak eta Guardia Zibilak elkarlanean egindako operazioaren ondorioz, etakideak babesteko sare ziurra desegin dute. Ministerioaren esanetan, berriki sortua izan zen, eta Hego Euskal Herrian ihes egindako etakideei aterpea ematea zuen zeregina. Handik Frantziako Estatura lekualdatzen zituzten geroago. Alfredo Perez Rubalcabaren ministerioaren arabera, ETAko zuzendaritzak sortu zuen egitura hori, bereziki erakunde armatuko buruzagiak babesteko.
Espainiako Gobernuaren arabera, hilabeteotako atxiloketek bultzatu zuten erakunde armatua sarea eratzera. Guardia Zibilaren hitzetan, desegin egin dute.
