EMAKUMEON AURKAKO INDARKERIARIK EZ!

Azaroa 20, 2008 at 1:46 pm · Clasificados en AGENDA

Azaroak 25, Emakumeonganako Indarkeriaren Aurkako Nazioarteko Eguna. 2008an bost emakume hil dituzte eta beste bat desagertu da, eta egunero, erasoak jasaten ditugu: jipoiak, bortxaketak… sendoki erroturiko indarkeria egoera orokorra baitago.

Indarkeria sexista ez da eremu pribatuan gertatzen den arazo isolatua. Emakumeonganako indarkeria estrukturala da, bizitzako esparru guztietan pairatzen dugulako. Gizon eta emakumeon arteko harreman hierarkikoetan dago egungo indarkeria kasu ugariren arrazoia.

Baina emakumeonganako indarkeria ezabatzeak exijitzen du emakumeok pairatzen dugun zapalkuntzarekin amaitzea, hau da, emakumea eskubide subjektu osotzat hartzea eskatzen du.

Horrelako egunak adierazpenak eta hitz politak esateko erabiltzen dituzte erakunde batzuk eta beste batzuk emakumeen aurkakao erasoak daudenean ez dituzte salatzen, askotan hauek egon direla ezkutatuz, Bizkaiko udalerri batzuk kasu.

Baina ezin ahaz daiteke salatzeaz gain, neurri zehatzak eta eraginkorrak abiatu behar direla. Erakundeek orain arte bultzatu lege, protokolo eta neurriek, ez dute ahalbidetu belaunaldi berriek indarkeriari buruzko heziketa hezkidetzailea izatea, prebentzio mailan duen garrantziarekin. Erakundeek plan integralak abiatu beharko lituzkete, prebentzioan, sentsibilizazioan eta ondorengo neurrietan kokatuak.

Baina emakumeok ezin dugu geratu besoak gurutzaturik egoera horren aurrean. Bizi dugun egoerari aurre egiteko ordua da. Emakumeok aski dela esan eta bitartekoak jarri behar ditugu egoerari aurre egiteko, gure eskubidea delako. Egoeraz kontziente izan gaitezen emakumeok eta guztion arazo egin dezagun bizi duguna! Denon artean aurre egin diezaiogun indarkeria matxistari!

ITXURAKERIA GEHIAGORIK EZ!

HITZETATIK EKINTZETARA!

UDAL GOBERNUAREN KUDEAKETA “ILUNA”, INFORMAZIO PUBLIKOAREN UKAPENA

Azaroa 6, 2008 at 10:39 am · Clasificados en AGENDA

Iluntasuna. Hitz horrek ederki asko defintzen du EAJ-k eta EB/Aralarrek zuentzen duten Leioako udal gobernuaren kudeaketa,. Zernahi esaten dute eta edozer egiten dute “informazio publikoa”, hain zuzen, publikoa izan ez dadin. Udaletxean egiten diren informazio eskaerak sistematikoki ukatzen dira administrazio jardunbidea oztopatzen dutela argudiatuz, baina, … Ez al da jardunbide garrantzitsua leioako auzotar batek eskatzen duen informazio publikoa erraztea? Dirdudienez udaletxe honentzat ez. Izan ere, azpikeriak ez kaleratzeko bidea da informazioa ukatzea. Haien azpikerietaz jakitun izan ez gaitezen ukatzen digute informazioa. Ez dute nahi jakin dezagun azpikontratazioak lagunei ematen dizkietela, ez dute nahi jakin dezagun lanpostuak banatzeko darabilten entxufismoa, ez dute nahi jakin ditzagun etxebizitza politikaren benetako datuak (onartu dituzten plangintzei ezker aberats-jauntxoentzako txalet mordoz beteko duten herria eta etorkizuneko lursoruak hipotekatu), e.a.